Mainit nga ginbaton sang pumuluyo sang Hacienda Antolanga ang GUGMA CARAVAN sa pagpanguna ni Mayor Benjie Miranda kag Vice Mayor Divina Miranda.

Ginatos ang nagtambong kag nakabaton sang nagkalain-lain nga serbisyo halin sa City Government of Kabankalan subong nga adlaw, Nobyembre 28, 2025.

Mga Libre nga Serbisyo (Free Services):

• Libre nga konsultasyon kag bulong

• Libre nga panggabot sang ngipon halin sa City Health Office (CHO) upod sa Kabankalan City Hospital

• Pagpanagtag sang seedlings kag abono halin sa City Agriculture Office

• Deworming services para sa mga kasapatan (ido kag manok) halin sa City Veterinary Office

• Libre nga massage services halin sa Kabankalan Training Center (TESDA)

• Pagpanagtag sang vermicast kag recycled ecobags halin sa City Environment and Natural Resources Office (ENRO)

• Libre nga reading glasses

Ang Hacienda Antolanga isa sa mga lugar nga pinaka grabe ang naapektuhan sang bagyo nga Tino. Sang pagtupa sang bagyo, nakaangkon ang komunidad sang madamo nga problema, kalakip na ang pagkadamage sang ila mga panimalay, uma, kag iban pa nga kabuhi—rason nga daku gid ang ila kinahanglanon sang bulig. Amo ini ang naghatag sang mas madalom nga kahulugan sa pagdala sang GUGMA CARAVAN sa lugar.